شعر كردي ...

[behnam5555]

وه رینی رۆح

وه رینی رۆح
ڕه نگه مردن ته نها خه ونێکی ئاسایی بێت..
ئیتر که س پێت ناڵێ هه سته له خه وو
ڕه نگه مردن ته نها ژووانێک بێت له گه ڵ فریشته کانا..
ڵه گه ڵ مناله چاوو گه شه کانا جۆلانه بکات..
ڕه نگه مردن زۆر ئاسایی بێت..
چیدی که س پێت ناڵێ ئه مڕۆ چیت کرد،،
کاتێک گه ڵای دره ختێک ئه وه رێت
چیدی گله یی له دره خت ناکات…
کاتێک باران له هه وور ئه تۆرێت
چیدی دڵۆپه کان زیز نابن…
گه ر زستانیش جێمان بێڵێ…
گازنده ی به هار ناکات…
ڕه نگه مردن ژیانه وه یه کی تر بێت…
ڕۆحمان ئاشنای گیان له به رێکی تر بێت…
کاتێک ئه مرین ڕۆح و جه سته لێک دائه بڕێن
هه ناسه له گه روو خۆی ئه تۆرێنێ
چیدی جه سته جارێكی تر له شه قامه کاندا پیاده ناکات
ڕۆحیش ئاسودانه بۆ دنیایه کی دی ئه ڕوات
ڕه نگه مردن وه ک به هار بێ وو
هه مو ساڵێ له گه ڵ نێرگز بگه ڕێته وه
ڕه نگه پایزێکی دڵڕه قیش بێ و
له گه ڵ لافاو بگه ڕێته وه…
ڕه نگه مردن خه زانێک بێ و
مه نفابوون له گه ڵ خۆی بێنێ..
چیدی گازنده ی مردن مه که ن گه ر نزیک بێ
گه ر دنیایه کی ترم باتێ.
..ئیتر………….
گله یی چیی له سه ر بێ ،،،،،،،،،،،،،،
هاوسه ر جه لال

[behnam5555]

ئەو شەوە

ئەو شەوە دایکێک تەلەفۆنى بۆ هات
بینى ڕۆڵەکەیەتى, جوابى دایەوە و ووتى:
ئەلو جەرگم بڵێ
ئەویش دواى هەڵکێشانى هەناسەیەکى پڕ لە دوکەڵ ووتى:
دایە گیان ببورە
ئەم جومعەیە نایەمەوە بۆ ماڵ
><><><><><><>< <><>< <>
ئەو شەوە باوکێک تەلەفۆنى بۆ هات
بینى کوڕەکەیەتى
ووتى: ئەلو کوڕم پارەت پێویستە؟
ئەویش دواى ئاخێک ووتى نا
بستێک زەوى و مەترێک قوماش!
><><><><><><>< <><>< <>
ئەو شەوە کچێک تەلەفۆنى بۆ هات
بینى دەزگیرانەکەیەتى,
ووتى: ئەلو ژیانم بڵێ, بۆ بەیانى چی لەبەرکەم؟
ئەویش دواى کۆکەیەک ووتى:
جلێکى ڕەش !
><><><><><><>< <><>< <>
ئەو شەوە لە ناو کڵپەى ئاگردا
یەکێک نامەى بۆ هات
بینى هاوڕێیەکێتى نوسیویەتى:
بەیانى لە کوێ یەک ببینین ؟
ئەویش ئەوەندەى پێ کرا بنوسێ:
گۆڕستان !
><><><><><><>< <><>< <>
ئەو شەوە خوشکێک تەلەفۆنى بۆ هات
بینى براکەیەتى
ووتى: ئەلو برا و سێبەرى سەرم
ئەویش ووتى: ئەمجارە فریا نەکەوتم شتت بۆ بکڕم
بۆیە تۆ چەپکێ گوڵم بۆ بکڕە
><><><><><><>< <><>< <>
ئەو شەوە, برا بچوک تەلەفۆنى بۆ هات
بینى برا گەورەیەتى
ووتى: ئەلو پشت و پەنام
ئامۆژگارى ئەمجارەت چیە؟
ئەویش ووتى:
شەو کە خەوتى زۆپاکە بکوژێنەوە !!!!
نووسینی : ديار دینۆ

[behnam5555]

ئەگەر لە پاریس ئەژیام

ئەگەر لەپاریس دەژیام
کەژال نوری
ئەگەر لەپاریس دەژیام
لەهەرکۆلانێک نەمامێکم دەسوتاند
لەهەر شەقامێک جامی ماشێنێکم دەشکاند
بەبۆیەی هەمەڵشنی سور
جامخانەی هەموو مارکێتەکانم دەنوسی و
فلچەکەی سلفادۆردالیم دەهیناو
خانوبەخانوی ئەوشارەم لەسور هەلدەکیشاو
دارو بەردی شانزەلیزیەم
وەک بەردێکی خوێناوی سەرلوتکەی قەندیل
دوای شەهید بونی هەرگەریلایەک، دەنەخشاند
لەبەردەرگای هەرمالێکی دا ئالایەکی کوردستانم دەجەقاند
ئەگەر لەپاریس دەژیام
بەبۆیەی رەش
لەسەرویستگەی هەمووپاسێکم دەنوسی
ئێوەبون سایکس پیکۆتان ئیمزاکردو
لەلۆزاندا میژوی کوردتان بەمرۆ گەیاند
ئەگەر لەپاریس دەژیام
ئیستا وەکو عەلیا ماجید
هەرچی ژنی قژ زەردو جاوکالی تیایە
جلم لەبەردادەکەند و ئالایەکی کوردستانم لێ دەئالاند
ئەگەر لەپاریس دەژیام
هەرجی گلۆپی دارتێلەکانی شار هەبوو
بەبەردی قۆچەقانێ دەم شکاندن و
لەجیگەی هەریەکەیاندا تاکی پێلاوی گەریلایەکی شەهیدم هەلدەواسی و
بۆ بانگەشەی ماڤی مرۆڤ، دەمکرد بەسمبولی داهینان
ئەگەر لەپاریس دەژیام
کەوالیسی سەرتەختی شانۆکانم گشت تێک دەداو
پۆستەری هەمووپیشانگا هونەری یەکانم دەدراند
ئەگەر لەپاریس دەژیام
لەدوورەوە هەموو ئامادەبوانی کۆنسیرتەکانم دەدایە بەربەرد و
پێمدەوتن:-
ئەوە کۆتایی مۆزارت وباخ و شۆپەتانم راگەیاند
ئەگەر لەپاریس دەژیام
زەنگی بەردەرگای هەموومالێکم لێدەداو
دەموت دەبێ هەمووتان خولەکێک بێدەنگ بن
ئەمرۆ قاسملۆ لەبەرزترین کەنیسەی شارەوە
زەنگی پرسە لیدەدات و
بۆ تیرۆری سیاسی سێ ژنە جالاکی کورد
مێژوتان دەخاتە بەردەم پرسیارەوەو
شارتان دێنیتە خرۆشان
ئەگەر لەپاریس دەژیام
شا (کلۆفیسی یەکەم)م لەگۆر دەردەهینایەوەو
دەم وت دەبێت بۆشکۆی شەرەفی شانشینی فەرەنگ
لەگەل شازادە لویس دا
لەپێشەوەبرۆن و تابوتەکەی ( چانسیز ) هەلگرن بە شان
ئەگەر لەپاریس دەژیام
(ئەلب م لەشوینی خۆی لائەبرد)
دەم گوێزایەوە بۆژورەکەی( ئاپۆ ) لە دورگەی ئیمرالی و
دەم کرد بەقەلایەک بۆ باکوری کوردستان
(ئیفل م بەیەک شەق ئەخست بەدەما و
ئاگری نەوروزی ئەمسالم دەبردە سەر ئەلمۆن بلان)
ئەگەر لەپاریس دەژیام
هەرئەمرۆ پرۆگرامی شاشەی تی فی یەکانم هاک ئەکردو
پەیامیکم بۆکوردەکانی ئەوولاتەلەسەردائەنا:-
وەرن هەمومان سبەی لەسەر( گۆری شارلمان),
دەست بکەین بەخۆپیشان دان
ئەگەر لەپاریس دەژیام
بەیەک رۆژ تۆبۆگرافیای گالەم هەلدەوەشاندەوەو
بەیەک هەفتە دیموگرافیای شانشینی فەرەنگیەکانم دەشێواند
ئەگەرلەپاریس دەژیام
جل رۆژ پرسەم دەبردە، مالی ئۆلاند و
پێشم دەوت,
ئەرێ بۆچی ئەم شارەی تۆ
کە چادرێکی ئارامی تیدا نەبوو بۆ ئۆجەلان
ئیستا پرە لەفیشەک و تیرۆریست و
سلۆگان بۆ تیرۆری نەتەوەیەکی
بێ شوناسی بێ ناونیشان؟
ئاااااخ
ئەگەر لەپاریس دەژیام!!!

کەژال نوری

[behnam5555]

لـــه‌ لامی گیــــان په‌پوولێکه‌ لـــه‌ ڕووتـــا
ئـــه‌گه‌ر لێم دوور ده‌بی دڵ دێ به‌ دووتـــا
لـــه‌ نێزیکی و لــــه‌ دووریت خـــاکه‌ سارم
ئیـــتر یـــا دڵ نییه‌ یـــان گیــــان سووتـــا


هه‌ژار موکریانی

[behnam5555]

نیگات بۆ خۆم ده‌به‌م

‌‌‌له‌گه‌ڵ خۆم نیگای سحراویت ده‌به‌م به‌یادگار
باتا رۆژی مه‌رگ به‌چاوی تۆببینم رۆژگار
سیمامت بۆ به‌جێ دێڵم با له‌ته‌نیای بت دوێنیت
له‌ باوه‌شی خه‌م رزگارت کا با ئا مێزم بتلاوێنیت
گه‌ر ده‌ته‌وێ له‌ یادم که‌ی ،یادگاریم بسوتێنی
ئه‌ی چ له‌ شوێنی پێی ماچم ده‌که‌ی
مه‌گه‌ر دڵت ده‌ربهێنیت تا ئاسه‌وارم له‌نێو هه ستت نه‌مێتێت
ئه‌ی چ وه‌ڵامی مۆ مه‌کان ده‌ ده‌یته‌وه‌که‌پرسیارمت لێ بکه‌ن
یان چ ئه‌ڵێی به‌بێ ده‌نگی ژووره‌که‌ت له‌ گه‌ڵ روحم ئاشنابوه‌
ئه‌ی نازانی خه‌مه‌کا نت له‌ نێو هه ستم لانه‌ی تازایان ته‌نیووه‌
له‌ گه‌ڵ هه رهه نگاویشم یادگاریم بۆت جێ هێشتووه‌
چ وه‌ ڵامێکت هه یه‌ بۆ شه‌وانی په‌مه‌یی
ئه‌ی چ له‌پیاسه‌ی ئێوارانی هه ستو زۆزی ئه‌شقم ده‌که‌ی
چۆن ده‌توانی له‌ یادم که‌ی
باجه‌سته‌ی ئه‌وینم له‌ گه‌ڵ جه‌سته‌ت بتوێته‌وه‌
وه‌ره‌ رامپێچه‌با له‌ گه‌ڵ شه‌پۆلی روحت ئاوێته‌بم
له‌ده‌ریای شه‌وانی بێ ده‌نگ خه‌رقی سه‌مای لێوت بم

شیرین کافی

[behnam5555]

سه ماي دل شكاو

سه ماي دل شكاو
حاوي ليلم
هه ستي ويلم
ريكاي هاتنت ده كيلن
به له نجه دي ي
له به ر به نجه ره كه م
به عيشوه و ناز
وه ك به بووله سه ما ده كه ي
مني بي هوش
مني تاساو
مني به خه م سه رخوش
نه م هيشت بيته زووري
سه ماكه ت ته واوكه ي
كه رايته وه
سه د داواي ليبوردن
تاوانم ناسريته وه

(تري خان)

[behnam5555]

کی بی له من ماندوو تر بی؟

من خوشه ویستیکم هه بو

وه کوو دلوپه فرمیسکیک

له گلینه ی چاوه کانما قه تیس مابوو

له روژیکی به هاری سالی حه فتادا

له چاوه کانم جیا بووه

له و روژه وه تاکو ئه مرو

من دیوانه ی ئه و دلوپه فرمیسکه بی سروشوینه م

هه ر چه ند ده که م

جاریکی دی، بوم ناکری بیگیرمه وه ناو گلینه م!

کی بی له من ماندوو تر بی؟

من خوشه ویستیکم هه بو

وه کوو هه ناسه یه کی پاک

لی سی یه کانما، هیلانه ی خوی چی کردبو و

له روژیکی به هاری سالی حه فتادا، وه ک بالنده

تورا وسی یه کانمی به جی هیشت

له و روژه وه تاکو ئه مرو

هه ر چه ند ده که م،ئاخ ناتوانم

ئه و هه ناسه ئاواره یه بدوزمه وه ،

کوی که مه وه بیگیرمه ناو سییه کانم

[behnam5555]

له دلدا ئاتشی عیشقت بلیسه ی میثلی ته ندوره

شه طی ئه شکم نه بی مانیع ، ده سوتیم ده بمه کوی نوره

به ناری عیشقی و ئاوی دل ،جه سه د وه ک حه ضره تی موسا

طه ریقی ، به حری فیرعونه و ؛ ره فیقی : ئاتشی طوره

ده چی بو لای ره قیب ، خوشه ،وه لی ئه و داغه کوشتمی

له کن ئه و چنده مجبوره،له لای من چنده مغروره!

په یامت هات و پیکت روی خیالم نارد ونه یگه ییی

ره سولم کوته ری ،گرتی، هینای وه ک ئاگره سوره

که دیتم شه کلی صه د ره نگی ، گوتم : بابایی عه ییاره

که بیستم له فظی بی ده نگی ،گوتم : شه یپوری شاپوره !

گوتم :راستی صه با هه لسه !گوتی :مه شره ب موخالیفیه

گوتی : ناری، گوتی : بایه،گوتم :ئه وجی، گوتی :دووره

گوتم :قوربانی تو بم من ، گوتی: قوربانی تو سه گ بی

گوتم :شیشه ی دلم ناتوی ؟گوتی :بو چیمه ؟مه کسوره

خه راباتی دلی "نالی" مه فه رموو :خالییه ،نایه م !

به مه رگی تو قه سه م ، چاوم !به ذیکرت به یتی مه عموره ..

[behnam5555]

عه‌زیزم ، ڕۆحی شیرینم ، دوو چاوم !
ده‌وای زامی دڵ و جه‌رگی بڕاوم !

ئه‌تۆ شا ، من گه‌دا ، دادم بپرسه‌
له‌ زوڵمی چاوی بیمارت كوژاوم

ئه‌گه‌ر نه‌یده‌یته‌ ده‌س خۆم قاتیلی خۆم
له‌ رۆژی ئاخیره‌ت دا بێ پێناوم

ده‌سا لاده‌ سه‌ری زوڵفت له‌سه‌ر ڕووت
كه‌رووتی رووتم و مایل به‌ تاوم

له‌ باتی خوێنی خۆم ڕازیم به‌ ماچێ
ده‌سا بیده‌ هه‌تا زیندووم و ماوم

ئه‌وا نیشانه‌یی مه‌رگم عه‌یانه‌
كه‌من غه‌رقی خوێن و زوخاوم

مه‌كه‌ن مه‌نعم له‌ شیوه‌ن ئه‌ی ڕه‌ فیقان
كه‌ مه‌حزوون و غه‌مین و دڵ شكاوم

له‌ژینی خۆم ئومێدم قه‌تعه‌ (نالی)
كه‌ سووتاوه‌ هه‌موو جه‌رگ و هه‌ناوم

(نالی)

[behnam5555]

بیمار و نه خۆشم به غه م و میحنه ت و هیجران
ئیشم به هه موو ده م بوو ه ته شیوه ن و گریان
ئارامی نه ما مورغی دڵم، مات و په رێشان
بۆ ڕه حمی نه بوو،لوطفی نه ما که س به غه ریبان؟
دیده باز و عیشوه ساز و دڵ نه وازم بۆ نه هات؟

نـــــارى