شانۆیی: خه‌ونه‌کانی جەنگاوەرێک

[behnam5555]

ده‌قی شانۆیی: خه‌ونه‌کانی جەنگاوەرێک

نوسینی: دڵشاد حسێن

شوێن: ماڵێکی هه‌ژارانه‌ ،



کۆمه‌ڵێک رادیوێیکۆن به‌ چوارده‌وری ماڵه‌که‌دا هه‌ڵواسراوه‌ ، له‌پێشه‌وه‌ی شانۆوه‌ده‌ستارێکی بچوک دانراوه‌ و ژن له‌سه‌ر ده‌ستاڕه‌که‌ دانیشتوه‌ و که‌نمده‌هاڕێت ، پیاو له‌سه‌ره‌وه‌ی شانۆ وه‌ دانیشتوه‌ و خه‌ریکی گوێگرتنه‌ له‌رادیو ، به‌دیواری ماڵه‌که‌دا تفه‌نگێکی کۆن و کۆمه‌ڵێک وێنه‌ی پیاوهه‌ڵواسراوه‌ .

که‌سه‌کان:1. پیاو ، ته‌مه‌نی سه‌روی 50 ساڵه ، جه‌نگاوه‌رێکی دێرینە
2. ژن ته‌مه‌نی سه‌روی 40 ساڵه‌

ده‌ستپێک:

(له‌تاریکیدا به‌ده‌نگی هاڕه‌ی ده‌ستاڕ روناکی سه‌ر شانۆ ده‌کرێته‌وه‌ ،ده‌نگی ده‌ستاڕ تێکه‌ڵ به‌ده‌نگی رادوێکه‌ ده‌بێت و ده‌نگی رادوێکه‌ به‌باشتر ده‌بیسترێت ).
ده‌نگی رادیۆ:
ئه‌مڕۆ حکومەت و کۆمەلەی جەنگەوەرە دێرینەکانی دەستەی سەربازی ووڵات له‌کۆبونه‌وه‌ی نائاسایی خۆیدا ........... بڕیاره‌ چه‌ند بڕیارێکی گرنگ بۆخەڵکی وجه‌نگاوه‌ره‌ دێرینه‌کان ده‌ربکات....
پیاو:
گوێبگره‌ ژنه‌که‌ ، نه‌موت ، نه‌موت ، ئه‌بێت حکومه‌ت بیرێک له‌ ئێمه‌بکاته‌وه‌ ، ئه‌وه‌تا ئه‌مرۆ هه‌موو حکومه‌ت هه‌مووی خه‌ریکی فایلیئێمه‌یه‌ ، ئه‌مه‌ ئه‌و هه‌واڵه‌یه‌ من چاوه‌ڕوانیم ، من هه‌رئه‌مووتناکرێت حکومه‌ت ئێمه‌ی بیر چوو بێت ، گوێ بگره‌ ژنه‌که‌ ئه‌مه‌ هه‌واڵێکیگرنگه‌
ژن:
گوێ له‌چی بگرم ، تۆ رۆژ هه‌تا ئێواره‌ به‌دیار ئه‌م ڕادێوه‌ دانیشتووی ،هه‌سته‌ بڕۆ ئیشێک بکه‌ ، ئه‌وه‌ی چاوه‌ڕوانی ده‌که‌یت هه‌ر خه‌یاڵی خۆته‌ ،کێ تۆی له‌بیره‌
پیاو:
چۆن؟ ئه‌وه‌ نیه‌ حکومه‌ت ئێمه‌ی له‌بیره‌ ، ئه‌مڕۆ هه‌واڵی گرنگ ده‌بیستین
ژن:
هه‌واڵی چی ده‌بیستی ، تۆ چه‌ند ساڵه‌ ئه‌م قه‌وانه‌ ده‌ڵێیته‌وه‌ ،سه‌یرکه‌ به‌شی ئه‌م مانگه‌ گه‌نممان ماوه‌ ، هه‌سته‌ برۆ مشورێکمان بخۆ
پیاو:
به‌خوا بێمێشکی ، من ئێستا بچم سواڵ بکه‌م؟
ژن:
نا بڕؤ ئیشێک بکه‌ ، مشورێکمان بخۆ
پیاو:
ئێشی چی بکه‌م ، من به‌و هه‌مو خه‌باته‌وه‌ ئێستا بچم کرێکاری بکه‌م؟ منکه‌ به‌ بازاردا ده‌رۆم هه‌موو رێزم ده‌گرێت و ده‌ستی پیاوه‌تیم بۆ درێژده‌که‌ن ، ئێستا تۆ ده‌ته‌وێت له‌ هه‌یبه‌تم که‌مکه‌یته‌وه‌ و له‌به‌رچاوخه‌ڵکی سوکم بکه‌ی؟
ژن:
بۆ ئیشکردن سوکیه‌ ، تۆ تا 10 ساڵی تر به‌دیاره‌ ئه‌و خه‌باته‌ته‌وه‌دانیشی هیچ ناڕوێنی ، وا ئه‌زانی هه‌رتۆ خه‌باتت کردوه‌ ، خه‌ڵکی هه‌مووخه‌باتی کردوه‌
پیاو:
من جیام ، من دێرینترین جه‌نگاوه‌رم ، زیاتر له‌ 1000 جوته‌ پێلاوم به‌وشاخانه‌وه‌ دریوه‌ ، به‌ردی به‌م وڵاته‌ نه‌ماوه‌ من له‌ په‌نایدا فیشه‌کمبه‌دوژمنه‌وه‌ نه‌نابێت ، من جیام دڵنیام حکومه‌ت کارێکم بۆ ده‌کاتشایسته‌ی ئه‌و هه‌موو خه‌باته‌م بێت ، تۆ ژنی هه‌ر له‌ خه‌می سک و خواردندایت
ژن:
خۆزگه‌ وابوایه‌ ، به‌ڵام به‌خوا که‌س تۆی لە بیر نیه‌ ، تۆ خۆت وائه‌زانی خه‌ڵک و حکومه‌ت هه‌ر مه‌شخوڵی تۆیه‌ ، نا له‌ گه‌ڵ تۆ فایده‌ینیه‌ ، من به‌نه‌بوونی و به‌بێ مناڵ دوای تۆ که‌وتووم ، خه‌تای خۆمه‌ئه‌بوایه‌ هه‌رزوو دوای خه‌یاڵاویه‌کی وه‌کو تۆ نه‌که‌وم
پیاو:
ئا خه‌تای خۆته‌ ، ژنێ تۆ ده‌بێت شانازی به‌وه‌ بکه‌یت ژنی جه‌نگاوه‌رێکیدێرینی وه‌کو منی ، من زوو جێم هێشتی تۆ خۆت هاتیته‌وه‌ ، زانیت بێ من هیچنیت ، بیرته‌ ئه‌و ساڵه‌ی هه‌موو گوندو شاخه‌کانیان وێران کرد ، ساڵیئه‌نفالت بیره‌ ، پێم ووتی برؤ .. بڕؤ
(دیمه‌نی په‌نا به‌ردێک پیاو دانیشتووه‌ و ژن له‌ به‌رده‌میدا وه‌ستاوه‌)
پیاو:
ئه‌و ساڵه‌ هه‌موو گونده‌کانیان وێران کرد ، ژن و پیاویانبه‌به‌رچاومانه‌وه‌ بارده‌کرد ، هه‌رچی جه‌نگاوه‌ره‌ زۆربه‌یان به‌ره‌وسنوور رۆشتن ، له‌ هاوڕێکانمدا هه‌رمن مابوومه‌وه‌.. ئای له‌ رۆژه‌ چیکاره‌ساتێک بوو
ژن:
پیاوه‌که‌ هه‌سته‌ ، دارو به‌ر به‌ پێوه‌ نه‌ماوه‌ ، که‌س نه‌ماوه‌ هه‌سته‌ یان با بڕۆین یان با بگه‌ڕێنه‌وه‌ بۆ شار
پیاو:
ناڕۆم ، من لێره‌ ده‌مێنمه‌وه‌
ژن:
لێره‌ به‌ته‌نیا چی بکه‌ین ، که‌س نه‌ماوه‌ هه‌ر له‌ برسا ده‌مرین ،هه‌سته‌ پیاوه‌که‌ هه‌موشتێک ته‌واو ، هیچ نه‌ما با مشورێکی خۆمان بخۆین
پیاو:
من به‌ڵێنم داوه‌ لیره‌ نارۆم ،ده‌مێنمه‌وه‌ گه‌ر بڕۆم له‌ خه‌فه‌تاده‌مرم ، من هه‌قی که‌سم نیه‌ به‌ته‌نیاش بم ،هه‌ر ده‌مێنمه‌وه‌ ، خۆ بنبه‌ردو ئه‌شکه‌وت ماوه‌ تێدا بژیم ، پآش ئه‌و هه‌موو قوربانیه‌ ، خۆمناده‌م به‌ده‌سته‌وه‌ و رایش ناکه‌م.
ژن:
تۆ هه‌ر که‌له‌ره‌ق بووی ، ژیانی منیشت وێران کرد ، ئه‌ی من ، چی له‌من ئه‌که‌یت؟
پیاو:
یان له‌گه‌ڵم بمێنه‌وه‌ یان برۆ
ژن:
باشه‌ ، تۆش یان من هه‌ڵبژێره‌ یان ئه‌و شاخه‌ چۆڵه‌
پیاو:
(دوای بیرکردنه‌وه‌) من ئه‌م شاخانه‌ جێناهێڵم
ژن:
منیش ده‌رۆمه‌وه‌ بۆ شار (سه‌یرێکی پیاو ده‌کات و فرمێسک به‌چاویدا دێته‌ خوارێ و باوه‌شی پێدا ده‌کات و ده‌روات)
پیاو:
ئه‌و رۆیی ، هه‌ر له‌ دوره‌وه‌ سه‌یرم ده‌کرد له‌ له‌ناو ته‌پوتۆزیگونده‌کاندا له‌ به‌رچاوم وونبوو ، ئه‌وجا هه‌ستم کرد چه‌ند ته‌نیام چه‌ندپێوستم پێیه‌تی ، ئه‌مویست هاواری بۆ بکه‌م نه‌متوانی .. رۆیی .. ئه‌و رۆی وته‌نیا من و شاخه‌کان ماینه‌وه‌ (به‌ردوامه‌ له‌ قسه‌کردن و سه‌ریداده‌خات و زۆر بێتاقه‌ته‌ ) بۆ رۆشتتیی .. من زۆر ته‌نیام ، ئه‌م تفه‌نگ وشاخه‌ بێده‌نگه‌ هاورێمه‌ ، تۆم ده‌وێ قسه‌م بۆ بکه‌یت ، توڕه‌ بیت ،بۆڵه‌ بکه‌یت .. رۆیی...رۆییییی
(پاش که‌مێک ژنه‌که‌ ده‌رده‌که‌وێت و ده‌گه‌ڕێته‌وه‌به‌رده‌می پیاو که‌ سه‌ری داخستوه‌ ، پیاو سه‌ربه‌رز ده‌کاته‌وه‌ ژنه‌که‌ده‌بینێت)
پیاو:
تۆ راستیت یان خه‌یاڵیت؟‌
ژن:
هاتمه‌وه‌ نه‌متوانی بێ تۆ بژیم
پیاو:
(باوه‌شی پێدا ده‌کات) ژنه‌ خۆشه‌ویسته‌که‌م هاتیته‌وه‌ ، ئیتر ته‌نیا نیم
(گه‌ڕانه‌وه‌ بۆ دیمه‌نی سه‌ره‌کی)
ژن:
خه‌تای خۆم بوو ئه‌بوایه‌ هه‌ر ئه‌وکاته‌ برۆشتمایه‌وه‌ چاوم له‌ چاوت بهاتایه‌
پیاو:
خۆت هاتیته‌وه‌ ، ئه‌تزانی بێ من ناژیت
ژن:
ئه‌م توانی بژیم ، به‌ڵام دوای ئه‌و ته‌مه‌نه‌ درێژه‌ ،نه‌متوانیبه‌ته‌نیا جێت بهێلم ، ئێستا تۆ قه‌دری ئه‌وه‌ ناگری ، هه‌ر له‌ناو خه‌یاڵپڵاوی خۆتتدای ، هه‌ر منم به‌رگه‌ی ژیان ده‌گرم له‌گه‌ڵ تۆدا
پیاو:
له‌به‌ر ئه‌وه‌ی گه‌مژه‌ی ، من شاخ و چه‌کم هه‌بوایه‌ هه‌ر ده‌ژیام ، تۆبویته‌ته‌ مۆته‌که‌ و لێم نابیته‌وه‌ ، ناهێڵیت ،چیژ له‌و خه‌یاڵانه‌ ببینمکه‌ ده‌بێته‌ راستی ، تۆ تێناگه‌یت .
دەنگی ڕادێۆ:
کۆبونەوەکانی حکومەت بەردەوامەوە و چاوەڕوانی بەیان و بڕیاری گرنگ بن
پیاو:
گوێت لێبوو ، ئەوە حکومەت بڕیاری گرنگ دەردەکات و ژیانمان دەگۆڕێت ،سەیرکەسبه‌ی حکومه‌ت مه‌راسیمم بۆ سازده‌کات ، گه‌وره‌ترین مه‌دالیای ئازایه‌تیشه‌ره‌فم ده‌داتێ
ژن:
مه‌دالیای شه‌ره‌ف چی لێبکه‌م نان نه‌بێت بیخۆم
پیاو:
ده‌ڵێم گه‌مژه‌ی ، تۆ ژنی پیاوێکی گه‌وره‌ی وه‌کو من نه‌بیت که‌س ناتناسێت، ئه‌یبینی چۆن ئه‌و هه‌موو خه‌ڵکه‌ له‌ ناوه‌ڕاست شاردا کۆده‌که‌نه‌وه‌بۆ رێزلێنانی من هه‌موو حکومه‌ت دێت. ئه‌و هه‌موو خه‌ڵکه‌ به‌چه‌پڵه‌ رێزانپێشوازیم لێده‌که‌ن ، ببینه‌ چۆن رێز له‌م مێرده‌ پاڵه‌وانه‌ت ده‌گرن ،ببینه‌.
(دیمه‌نی مه‌دالیا به‌خشین.. ژن مه‌دالیایه‌کی گه‌وره‌یپێیه‌ و پیاو له‌و سه‌ری شانۆوه‌ بە مۆسیقای عەسکەری به‌خۆیتفه‌نگه‌که‌یه‌وه‌ دێت و له‌ناو چه‌پڵه‌رێزانی خه‌ڵکیدا دێته‌ به‌رده‌م ژن ،ژن مه‌دالیای له‌مل ده‌کات)
(گه‌ڕانه‌وه‌ بۆ دیمه‌نی سه‌ره‌تا)
ژن:
ئه‌وه‌ هه‌مووی خه‌یاڵه‌ ، هه‌سته‌ بڕۆ شتێک بفرۆشه‌ و چه‌ند کیلۆیه‌ک گه‌نم و خواردن بکڕه‌
پیاو:
چی بفرۆشم ، تۆ چاوه‌ڕان بکه‌ ، با ئه‌مڕۆ حکومه‌ت بڕیاره‌که‌ ده‌ربکات ، ده‌بینه‌ خاوه‌نی مه‌دالیا و خه‌ڵات و پاره‌
ژن:
چاوه‌روانی بریاری حکومه‌ت ده‌که‌یت ؟ هه‌سته‌ پیاوه‌که‌ ، هه‌سته‌به‌به‌رمه‌وه‌ نه‌ما ، من ئێستا خه‌ریکه‌ هیچم نامێنێ بیخۆین ، هه‌سته‌ بڕۆئه‌و تفه‌نگه‌ نه‌عله‌تیه‌ت بفرۆشه‌ ، هیچ نه‌بێت به‌شی خواردی ئه‌ممانگه‌مان ده‌کات
پیاو:
ئه‌و تفه‌نگه‌ بفرۆشم ؟ به‌خوا گێلی ، من چۆن چۆن ئه‌و یادگاریه‌ گه‌وره‌ده‌فرۆشم ، ئه‌و تفه‌نگه‌ یادگاری شه‌ره‌فی خه‌باتی منه‌ ، به‌و تفه‌نگه‌چه‌ندینجار دوژمنم به‌زاندووه‌ ، تۆ قیمه‌تی ئه‌و شتانه‌ نازانی ،ئێستابیفرۆشم هیچ ناکات ، تۆ چاوه‌ڕێ بکه‌ با مۆزخانه‌یه‌کی گه‌وره‌ دروستبکه‌ن ،ئه‌وسا ده‌بینی چۆن ئه‌و جل و تفه‌نگ و تفاقی جه‌نگانه‌ ، چه‌ند قیمه‌تیگه‌وره‌ په‌یدا ده‌کات ، له‌ مۆزه‌خانه‌ به‌شێکی گه‌وره‌ بۆ منده‌که‌نه‌وه‌ و ئه‌و تفه‌نگ و کۆڵه‌پشت و رادیو له‌ به‌شه‌که‌ی خۆمداهه‌ڵده‌واسن ، ئەو پێڵاوەشی کە سەدان شاخ و کێوم پێ بڕیوە..بۆ هه‌ریه‌کیانگه‌وره‌ترین قیمه‌تی بۆ داده‌نێن. (شتەکان لە شوێنێکدا چاک دەکات و هەڵیاندەواسێت)
ژن:
مۆزه‌خانه‌ی چی ؟ئه‌وه‌ هه‌ر له‌ خه‌یاڵدای ، نازانم تۆ که‌ی له‌م خه‌ون وخه‌یاڵه‌ دێیته‌ ده‌رێ و بیرێک له‌ ژیانمان ده‌که‌یته‌وه‌ ، نازانم تۆ خۆتکردوه‌ته‌ پاڵه‌وان و هه‌رخۆت به‌خۆت ده‌ڵێی ، کێ تۆی له‌ بیره‌
پیاو:
چۆن ، هه‌مو حکومه‌ت و خه‌ڵک ده‌زانێت من پاڵه‌وانیکی دێرینم ، یەکێک لەجەنگاورە هەرە ئازاکان بووم ،تۆ نه‌بێت نرخ بۆ هیچی من دانانێیت وهه‌رخه‌می سکته‌.
ژن:
ئەگەر ئازا و پاڵەوان بوویتایە لەو هەموو شەڕو شۆڕە شەهید ئەبوویت .
پیاو:
چی من ترسنۆکم ؟ من هەموو شتێک بم بەس ترسنۆک نیم ، ئەگەر ترسنۆک بمایە (جلەکانی لە پشتەوە هەڵئەکاتە سەرەوە) ها سەیری پشتمکە ، سەیرکە جوانسەیرکە جێگای فیشەک و برینداری پێوەیە .. جێگای هیچی پێوەیە.
ژن:
(سەیری پشتی ئەکات) نا
پیاو:
ئەوە ئەزانی مانی چیە ،نیلین(مەبەست لینینە) و گیڤارا ووتویانە ئازاکان لەپشتەوە ناپێکرێن ئەوە لەسەر قسەی ئەوانیش مانای ئەوەیە ترسنۆک نیم ،ترسنۆک لە پشتەوە فیشەکی بەردەکەوێت ، ئازا پشت ناکاتە دوژمن تا فیشەکیپێوە بنێن ، من هەر رووبەڕوو شەرم کردوە ، هەرکیز پشتم نەکردوەتە دوژمن.
دەنگی رادێو:
کۆمەڵەی جەنگاوەرە دێرینەکان و حکومەت لە کۆبونەوەی گرنگدان .. پاش کەمێکی تر پەیامێکی گرنگ رادەگەیەنن....
پیاو:
گوێت لێبوو ، پەیامێکی گرنگ رادەگەیەنن ، خۆت ئامادەبکە لەدوای ئەو پەیامەژیان و گوزەرانمان دەگۆڕێت و تۆ ژنی جەنگاوەرێکی دێرینیت ..
ژن:
جا چی دەگۆڕێت ؟ من هەروا بەم ژیانە تروهاتە بەبێ مناڵ لەگەڵ تۆدا بەتەنیا بەسەر دەبەم
پیاو :
ژیانت لەگەڵما بەروهات دەزانی ، تەنیایی بەتروهات دەزانی؟ ئەی من چی بکەمئەگەر ئەو فیشەکە بەر ناوڕانم نەدەکەوت ئێستا ئێمەش خاوەنی مناڵ بوین و تۆشبەتروهات سەیرت نردەکرد
ژن:
من بەبێ مناڵێس هەرقایلم ، بەڵام تۆ دوای خەونی تڕوهات کەوتووی
پیاو:
تۆ خەونەکانم بە تڕوهات ئەزانی چونکە خۆت تروهاتی ، ئەیبینی چۆنلەناوەڕاستی شاردا گەورەتری پیشانگام بۆ دەکەنەوە پیشانگایەک هەموو خەڵکیشار دێن بۆ سەیری. هەموو وێنەکانی رۆژانی خەباتم بەگەورەیی هەڵدەواسن .(ناودۆڵابەکات دەکاتەوە و کۆمەڵێک وێنە دەردێنێت و هەڵی دەواسێت) ئەم هەموووێنانە لە پێسانگایەکی مەزندا هەڵدەواسن ، هەموو خەڵکی بەچاوی ئیعجابەوەلەو هەموو وێنانە دەڕوانن .. ئەوسا قٶل لە قۆڵت دەکەم و لەناو چەپڵەرێزاندا دێن بۆ سەیری پیشانگاکە.
(دیمەنی پیشانگا ،ژن مەقەست دەداتە دەست پیاو و پیاویشپیشانگا دەکاتەوە ، ژن وەک رۆژنامەنوسێک دوای پیاو دەکەوێت کە سەیریپیشانگاکە دەکات)
پیاو:
سەیرکە .. ئەوە منم ، ئەوەش هەرمن .. ئەمانە هەمووی منن ،ئەوانەش هەرمنن .. ئای چەند دڵخۆشم ئەم هەموو منە .. ئەو هەموو منە سەیرکەن.
ژن:
وەکو جەنگاوەرێکی دێرن لە کردنەوەی ئەم پیشانگا تایبەتە هەست بەچی دەکەیت؟
پیاو:
زۆر دڵخۆشم ،کە خەباتم بە فیڕۆ نەچووەو ئێستا وا حکومەتی خۆمان ئەورێزەگەورەیەی لێگرتووم .. ئەم وێنانەی من مێژوی خەباتێکی گەورەن ، ها سەیریئەوە ساڵی... ئەوەیان ساڵی ... سەدەمی لاویم بەخشی بەشۆڕش .. ئێساوادەیبینن.
ژن:
ئەم وێنانە هەموو سەردەمی جەنگت .. ئێستا حەزت لەزەمەنی جەنگە؟
پیاو:
نا پاش هەموو جەنگە ، ئێستا حەزم لەسەردەمی ئاشتیە .. ئاشتیی
(دەگەرێتەوە دۆخی ئاسایی)
ژن:
بەسە مێشکم تێکچوو ، نازانم ئەم چیرۆکانە لەکوێ دێنی ، دونیا تۆی لەبیر کردووە ، ئێستا هەرئەڵیی من..من.. حکومەت.. من
پیاو:
دەڵێم گەمژەی و لەو رێزلێنانە ناگەیت گەمژەیت
ژن:
رێزلێنانی چی؟ ئەوە هەموو خەیاڵە و نایبینی ، بەڵام ئاخ چی بکەم لەو کەللە رەقیەت ، نازانم لەباوکە کەلەرەق و عینادەکەت دەچی
پیاو:
ووس ناوی باوکم نەهێنی باوکم پیاوێکی مەزن بوو ، ئەگەر مەزنی ئەو نەبوایەئێستا تۆ ژنی پێاوێکی مەزن نەبووی .. (وەستانێک و بیرکردنەوە) باوکم زۆرئازاری دام بەڵام بەمەزنی ماڵئاوایی لێکردم ، ئەو ساڵانەی کە خەڵکی هەموولە شەقامەکاندا خۆپیشاندانیان دەکرد و دەوڵەوت راوی دەنان باوکم منی لەماڵەوە زیندانی کردبوو ،هەموو رۆژێک دەهاتەوە..(دیمەنی رابردوو ،پیاو رۆڵیباوکی دەبینێت و رۆڵی خۆشی بەگەنجی و ژن رۆڵی دایکی پیاو دەبینێت)
باوک:
دوای مەکتەب لەماڵ نەچیتە دەرەوە ، رەفیقی خوێری و موێری نەکەیت .. رێک بۆماڵەوە و ناچیتە دەرەوە..ئەگەر بتبینم رەفیقی ئاژاوەچی بکەیت دەتکوژم ،بەم دارە سەروگوێلاکت دەشکێنم.
پیاو:
ئاخر باوکە منیش..
باوک:
وسس قسەلەقسەما مەکە باسەرت نەشکێنم
دایک:
ئاخر پیاوەکە ئەویش گەنجەو ...
باوک:
ووسس ..وسس سەری خۆشت و کوڕەکەشت بەم دارە دەئاوسێنم.
پیاو:
ئاخر باوکە دایکم راست دەکات و ..
باوک:
وسس .. نەموت قسە لەقسەمدا نەکەیت .. هەتیوی خوێری.. (بەدار لە کوڕەکە دەدات ، کوڕەکەش دەچێتە باوەشی دایکی دەگری)
پیاو:
دایە باوکم بۆ رقی لێمانە ؟ بۆچی ناهێلێت بچەمەدەرەوە لەگەڵ هاورێکانمابەشداری خۆپیشاندان بکەم ،باوکم بۆ رقی لە نیشتیمانە.. بۆ.. بۆ
رۆژێکیان هەموو شار رژابوونە سەجادە و هاورێکانم لەگەڵ خۆپیشاندا هوتافیان دەکێشا .. (دەنگی خۆپیشاندان و هوتاف کێشان)
ئەورۆژە باوکم دەرگای لەسەر قوفڵ دابووم ، خەریک بوودڵم دەتەقی بۆ ئەوەی رێگایەک بدۆزمەوە و بچمەدەرەوە بەشداری بکەم .. هەرچیهەوڵمدا لە پەنجەرەوە یان دەرگا بشکێنم .. لە ترسی باوکم نەموێرا(دەنگیخۆپیشاندان و هوتاف بەردەوامە)
ئای خوایە چی بکەم ،ئێستا لەم رۆژە مێژیەدفا باوکمناهێڵی بەشدارم ، دوای هاورێکانم چیم پێ دەڵێمن ، بۆ وا دوژمنی گەلە بۆنا‌هێلێ .. نا هەدەبێت بڕٶم ئەگەر بشمکوژێت .. دبێت بڕۆم (دەنگی خۆپیشاندانبەردەوامە ، هەوڵ ئەدات دەگا بسكێنێت ، دەرگاکە دەشکێنێت ،، دەنگیتەقەیەکی زۆر دەبیسترێت و دەنگی هاوار و راکردنی خەڵک)
چی رویدا.. چی رویدا؟
دەنگی ژن:
باوکت لە پێشەوە خۆپیشاندانەکانەوە بوو ، یەکەم کەس بوو گوللەی بەرکەوت و شەهید بوو
پیاو:
چی؟ باوکم؟ لە پێسەوەی خۆپیشاندان؟ شەهید بوو؟ (دەگری) ئای باوکە گیان ئەیبۆ نەتهێلا منیش بەشدار بم ، ئەم هەمو ئازایەتی و جوامێریەت بۆ لەمندەشاردەوە ، بۆ وات لێکردبووم رقم لێت بێتەوە ، تۆ ئەوەند شۆڕشگێر بووت ونیشتمان و گەلت خۆش دەویست، ئای باوکە گیان من ئێستا شانازیت پێوە دەکەم ،بۆ نەتهێشت پێش شەهید بوون ، پێت بڵێم جێگای شانازی منیت و خۆشم دەوێیت ،بەڵام چی بکەم من ئێستا دەیڵێم و تۆ شەهید بوویت ، ئای باوکە رقاویەکەم تۆچی مەزنیەکت لە ئێمە شاردبوەە .. ئای باوکە گیان... ئێستا من چی بکەم.. خۆشمدەوێیت...(دەگری)
(دیمەنەکە دەگەڕیتەوە دۆخی ئاسایی)
پیاو:
(بەچاوی بە فرمێسکەوە) ئەو پیاوە مەزنە بوو وا منی فێری شۆڕشگێڕی و ئیرادەکرد ، بەڵام کاتێک زانیم کە هێندە مەزن و شۆرشگێڕە ،ئەو شەهید بوو.
ژن:
دەی پیاوەکە ، من خراپم نەووتوە ، باوکت پیاوێکی گەورەبوو دەزانم.
پیاو:
ئەی دەزانی بۆ دەڵیی کەلە رەق بوو ها.؟.
ژن:
کەلەرەقی تۆ دەڵێم ، ئەو هەر بەکەلە رەقیش شەهید بوو
پیاو:
من دەڵێم گەمژەیی و هیچ نازانی ، ئەوە کەلە رەقی نیە ئەوە ئیرادەیە گەمژە ، ئەو ئیرادەش لە باوکمەوە بۆم ماوەتەوە
ژن:
باشە بەو ئیرادەوە برۆ دەرەوە مشورێکمان بخۆ ، شتێکمان بۆ پەیدا بکە .. کارێک بکە
پیاو:
چی؟ من جەنگاوەرێکی دێرین بچم کار بکەم؟ من چاوەڕیم حکومەت ئەمرۆ بڕیارێک دەربکات و ژیانمان بۆ هەتاهەتایە دڵنیا بێت.
ژن:
من تەحەمولی ئەم خەیاڵ پڵاویەی تۆم نەماوە .. ئەگەر نەرۆیت من دەڕۆم
پیاو:
بڕۆ .. دوای هەر پەشیمان دەبی ، دوای لە تەلەفزیونەکانەوە پیاوە مەزنەکەتدەبینی چۆن خەڵات دەکرێت و وەک پیاوێکی جەنگاوەر و شوڕشگێر باسی دەکەن.
ژن:
ئەگەر وەکو من بتناسن ، هەرگیز وا ناتناسن ، نازنن پیاوێکی لە خەیاڵی هیچ و هیچی تر
پیاو:
برۆ .. بۆ ناڕۆی ؟ ئەها بێ من ناتوانی بژیت؟ من نەبم تۆ چیت ، من فێری ئیرادە بووم هەر چاوەڕوانم ئەمڕۆ حکومەت بڕیار دەدات.
ژن:
ئیرادە.. ئیرادە کوا بۆمن شتێک نابینم هەر بیریش لە خەوەکانیشت ناکەمەوە
پیاو:
ئاخر گێلی ، تۆ چوزانی ئیرادە چیە ، ئیرادە هەموو شتتێک بەچۆکدا دێنێ ،وەکو حاجی ساڵحی لای خۆمان چۆن ئیرادە و شەڕەکانی ژیانی گۆڕی
ژن:
وا نەڕۆشتم ، ئادەی بزانم ئەم حاجی ساڵحەیان کێە ، ئەمیش یەکێکە لە خەونەکانت
پیاو:
نا حاجی ساڵح ئەو پیاوەی ئیرادە و خەوبینی گەورە کردم ، حاجی ساڵحێک لەگوندەکەمان وەکو باوکم دەیگێڕایەوە پیاوێکی دەوڵەمەند و خاوەنی نێوەیگوندەکە بوو ، ئەم پیاوە ٣ ژنی هێنا بوو بۆ ئەوەی کوڕێکی ببیت ، کەچی هەمووژنەکانی هەرکچیان بوو ، ئەو هەروازی نەهێنا و ووتی ئیتر ژن ناهێنم دەبێتسکی ئەمجارەی یەکێک لە ژنەکانم کوڕ بێت ، ئەگینا لە گەڵ خودا جەنگرادەگەیەنم ، ئەو شەوە یەکێک لە ژنەکانی ژانی دەگرت بەمناڵ بوونەوە ، حاجیشلەناو ئاوایدا سەنگەری لێدا و هەرچی فیشەک و تەقەمەنیە بریدیە ناوسەنگەرەوە بەرەو ئاسمان دەستی راگرت بۆ هەڵگیرسانی جەنگ.
(دیمەنی حاجی ساڵح ، پیاوە رۆڵی حاجی ساڵح دەبینێت و ژنرۆڵی ژنی گەورەی ، حاجی تفەنگی هەڵگرتوە و تەقەنمەنی کۆدەکاتەوە و سەنگەردروست دەکات وتێدا دانیشتوە ، روەو ئاسمان)
حاجی:
گوێبگرە زۆر سەبرم گرت و شوکور بووم ، بەڵام ئەگەر ئەم مناڵەم کوڕ نەبێتخۆت ئامادەکە بۆ جەنگی من و تۆ ، جەنگێک زەوی ئاسمان بسوتێنێت
ژن:
پیاوەکە ئەوە چی دەکەیت شیت بووی ، ئەوە خەڵکی ئاوای هاتووتە سەیرت ،دەڵێن حاجی بەنیازی چیە ، کوڕە حاجی ئیمانت بەبەشی خوا بێت و واز بێنە
پیاو:
لاچۆ لێم دورەکەوەرە و بەخەڵکی ئاوایش بڵێ کەس نزیک نەبێتەوە ، بەخوا قسەمئەوە لە نێوان شەری من و ئاسماند بریندار بێت یان بکوژرێت ، خۆی لەسەرخۆی ،تۆ بڕۆ ئاگات لەو ژنە بێت و زوو هەواڵی مناڵەکەم بۆ بێنە، بەخوا قەسەمئەگەر مناڵەکە کچ بوو ، ئەوا من شەڕی خۆم هەڵدەگیرسێنم
ژن:
کورە پیاوەکە هەمووی بەشی خوایە
پیاو:
ئەگەر بەشی خۆیەتی بۆ لە ٣ ژن ،کۆرێکم ناداتێ ، نا ئەمە دوژمنایەتیەو منپێم قبوڵ ناکرێت ، بڕۆ دەی .. بزانە چی بوو (ژنەکە دڕوات و حاجیشلەسەنگەردا بەلایتێکەوە سەیری ئەملاولای دەکات ،دەنگی لەدایکبوونی مناڵێکدێت، حاجی چاوەڕوانە)
پیاو:
چی بوو .. ژنەکە چی بوو کوڕ بوو؟
ژن:
پیاوەکە ئەویش کچ بوو
پیاو:
(تەقە ئەکات بەئاسمانا)کەس نزیکم نەبێتەوە ، من وئاسمان شەرمان هەڵگیرساند، تا کورێکم بۆ نەنێرێ شەڕ راناگرم ، باهەموو خەڵکی ئاواییبزانن.(تەقەئەکات بۆ ئاسمان و وەک وایە لەشەڕیکی گەرمدا بێت ، ژنەکە سەریخۆی دەڕنێت و هاوار دەکات)
ژن:
حاجی دەستم دامێنت خۆت کافرمەکە .. بوەستە حاجی رایگرە.. ژنە بچکۆلەش هەر ژان دەیگرێت بەشکو خوایە هیدایەتت بدات.
پیاو:
دورکەونەوە لێم ، ناوبژی کەسم ناوێت ،ئەوەی لەنێوەان من و ئەدا بپێکرێت منخوێنی کەس نادەم دورکەونەوە .. دەی (ژنە رادەکات ، ئەو هەرتەقەدەکات بۆئاسمان ، وەکو لە جەنگێکی گەورەدا بێت ، دەنگی مناڵبوونێکی تر دێت ، ژنەبەپەلە دێتەوە)
ژن:
پیاوەکە شەڕ رابگرە .. شەڕ رابگرە
پیاو:
رایناگرم .. پێم بڵێ ، ئەو چی بوو
ژن:
شەڕ راگرە پیاوەکە شوکور ئەمیان کوڕ بوو
پیاو:
(بەدڵخۆشیەوە لەتەقە دەوەستێت و سەیری ئاسمان و چوادەوری دەکات) ئاوا.. بەشەرەفم ، هەر نۆ تەڵاقم کەوتبێت ، ئەگەر جەنگم هەڵنەگریساندایە و فیشەکەمبەر جێگای مەبستی نەکەوتایە ، ئەو کوڕەی پێنەدە بەخشیم.هاهاها (لەخۆشیداهەڵدەپەڕێت)
(گەرانەوە بۆ دیمەنی ئاسایی)
دەنگی ڕادیو:
کۆبونەوەی کۆمەڵەی جەنگاوەرە دێرینەکان و هەموو سەرکردە سەربازیەکانبەردەوامە ، بەم زاوانە هەواڵێک بۆ جەنگاوەرە دێرینەکان و خەڵکیبەشەرەفی.....؛
ژن:
ئەو رادێۆ بکوژێنەوە .. هەر درۆ ئەکات و ئەم کۆبونەوە بوو بەچی
پیاو:
من هەموو پەیوەندیەکانم بەدەرەوە هەر ئەو رادێویە ، لە ژیانمدا بێ رادێۆ نەبووم ، رادێوکەی منیش هەرگیز درۆ ناکات ..
ژن:
ئەی ئەم کۆبونەوە دروانە بوون بەچی؟
پیاو:
نەفام ، ئەم کۆبونەوەیان زۆر گرنگە .. پەیوەندی بە ژیانی ئێمەوە هەیە .. گوێت لێنەبوو باسی ئێمەی دەکرد و پەیام بۆ ئێمە بڵاودەبێتەوە
ژن:
پەیامی چی ، هەر قسەی زلە و خەون بۆ تۆ دەنێرن .
پیاو:
ئەوە خەو نیە .. ببینە چۆن بڕیاڕیک دەردەکەن ، موچەمان بۆ دەبڕنەوە وخانوومان بۆ دەکڕن ، رۆژانە لە تەلەفزیونەوە دەمبینی چۆن باسی خەباتیرابردوو دەکەم و خەڵکی بەرێزە وە سەیری دەکەن.
ژن:
ئەی من چۆن بیبینم ، خۆ تەلەفزیونێکشمان نیە .. دەهەستە واز لە خەیاڵە شیتانە بێنە برۆ ئیشێکمان بۆ بکە.
پیاو:
گاڵتەم پێدەکەیت؟ دەیبنی چۆن تەلەفزێون دەکرێن و ژیانێکی پاشایانەبەسەردەبەین ، بۆ تۆ وائەزانی ئەو هەموو خەباتە گاڵتەیە ، ئەی خەباتی ئێمەنەبوو ئەوانیان هێناوەسەر حوکم ، ئەی چۆن دەبێت ئێستا بیرێکمان لێنەکەنەوە ؟لەسایەی خۆماندا ژیانمان دابین نەکرێت و رێزی هەمیشەییمان بۆ دانەنرێت؟.
ژن:
دەیکەن.. دەیکەن .. پیاوەکە سەرم پێوە نەما لەداخی تۆ.. تەحەمولی ئەو خەیاڵە بێماناییانەی تۆ ناگرم
پیاو:
تۆ بویت تەلەدرکینە و لێم نابیتەوە و خەونەکانم پوچ دەکەیتەوە ، منیش تەحامولم نەما ، لێم گەرێ با بزانم رادیوکە چی رادەگەیەنێت.
ژن:
چی رادەگەیەنێت؟ بۆ ناشێت چاوەڕوانی هەواڵی خۆش بیت؟ نایبینی ، هەستەپیاوەکە برۆ دەرێ مشورێکمان بخۆ .. وا گەنمیش تەواو بوو .. هەستە دڵم تەقیبڕۆ
پیاو:
ناڕۆم ، گوێ لە رادیوکەم دەگرم .. هەواڵی خۆش لێرەیە .. تۆ هەر خەریکی خەیاڵی خراپیت
ژن:
من راستیت پێدەڵێم تۆ گوێ ناگری .. لە تەحەمولما نەما .. دەستەساڕو ماڵەکە هەموی دەشکێنم لە داخی خەوە ناخۆشەکانی تۆ..
پیاو:
دەستەساڕ دەشکێنی بیشکێنە ، بەڵام دەست ببیەت بۆ رادێوکەم ، وێنەکانم ، تفەنگەکەم .. سەرت دەشکێنم..
ژن:
سەرەڕای ئەم نەگبەتیەم سەریشم دەشکێنی .. ها دەی بیشکێنە ، با نەجاتم بێت لێت
(ژنەکە پەلاماری وێنە سەردیوەرە دەدات و دەیانخاتەخوارەوە ،پەلاماری هەموو شتەکان دەدات ، دەیەوێت دەست بۆ تفەنگە ببات پیاوەناهێڵێ و بە تفەنگەکە پاڵێک بەژنەکە دەنێت و دەیخاتەوە لای دەستە ساڕەکە ،دەنگی رادێوکە دێتەوە)
دەنگی رادیوکە:
ئیستا کۆبونەوە گرنگەکە تەواو بوو ،، چاوەڕوانی ئەم بەیانە گرنگە بن..
پیاو:
ژنەکە .. هەستە.. نەمووت هەستە و مەگری هەستە خۆشی بکە .. هەرئێستا بریارەگرنگەکە دەردەچێت ..(رادێوکە لەسەر مۆسیقای سەربازی بەردەوامە ، پیاوەکەسەری ژنەکە ماچ دەکات .. تەفەنگەکە دەگرێتە دەستەوە)
دەی ژنەکە هەستە لەگەڵ ئەو بەیانەدا خۆشی بگێڕە ، دەفیشەک لە خۆشیدا دەکەم بە ئاسمانا .. ئیتر ژیانمان دەگۆرێت و بۆ هەتاهەتایەلە ئاشتیدا ژیانێکی کارامە دەگوزەرێنن.. ژنەکە تەقەی خۆشی دەکەم.. هەستە وخۆشی بکە لەگەڵمام.(پیاوکە میلی تفەنگەکەی دێنێتەوە و روی تفەگەکە لەئاسمان دەکات بۆ تەقەی خۆشی ، دێتە پێشەوەی شانۆ و بەخٶشیەوە سەیری رادێوکەدەکات بۆ خوێندنەوەی بیاننامەکە)
رادێو:
لە پاش کۆبونەوەی جەنگاوەرە دێرینەکانی ،دەستەی سەربازئ ووڵات و حکومەت،ئەم بەیاننامە رادەگەیەنین.. بۆ جەماوەری بەشەرەف بۆ جەنگاوەرە دێرینەکان ،ئاگاداری جەنگاوەرە دێرینەکان دەکەین خۆیان ئامادەبکەن (تفەنگەکەیروولەئاسمان بەرزدەکاتەوە بۆ تەقەکردن) وا جەنگ وڵات دەگرێتەوە و خۆتانئامادەبکەن بۆ جەنگی پارێزگاری لە وڵات و نیشتیمان ، وا جەنگی پاراستنیدەستکەوت و نیشتێمان بەرێوەیە ، هەموو خۆتان بگەیەنن بنکە سەربازیەکانیوولات ، بۆ جەنگ.. بۆ پێشەوە.....(رادێوکە بەردەوامە... مۆسیقای جەنگی ،پیاو و ژن سەیری یەکتر دەکەن و بەهێواشی تفەنگەکە لەدەستی پیاوە شلدەبێتەوە بۆ خوارەوە)
ژن:
گوێت لێ بوو؟
پیاو:
چی؟ جەنگ .. دیسان جەنگ.. هەمدیسان جەنگ.؟.(رادێوکە هەربەدەوامە ، روویتفەگەکە دەکاتە رادیوکە) نا.. بەسە.. بەسسە..(فیشەکێک دەنێت بەرادێوکەوە ورادێوکە دەکەوێت و بێدەنگ دەبێت.. ژن دەستەساڕەکە دەسوڕێنێتەوە)

کۆتایی...

سودم لە فەزای رۆمانی (کەس نیە نامە بۆ کۆڵۆنێل بنێرێت/ نیکۆس کازانتزاکی ) وەرگرتوە