من یه شعر دیگشو دارم برات میزارم:
دكتر مصدق تكليف ما را روشن كن/ شعري از شامي كرماشاني
و بس كه گرديم دس و بان دس
قرب ئرام نمن چو ميوه نارس
جواو سلام نيشنوم له كس
بيكار چو ايمه له ايران فره س
خوش و حال هركس مرديت آسودس
دكتر مصدق تكليف مان چه س
نيمي له ملت دچار دردن
له صب تا غروب بيكار مگردن
و گسنه يي وينه ي زعفران زردن
مرد مبارز روز نبردن
زر ئراي ئيوس شر ئراي ايمه س
دكتر مصدق تكليف مان چه س
نيمي له ملت چو گاي پرواري
هر خون و خفن له سمن كاري
سرمستن و جام باده بي عاري
هميشه هفت رنگ و سفرشان هس
دكتر مصدق تكليف مان چه س
ئوشن چل هزار بيكار و پاتخت
عمر گرامي مگذرن و سخت
بي جا و مكان بي لباس و رخت
سه وعده غذا كردن و يي وخت
ئاخر ئوانش هم نوع ئيوس
دكتر مصدق تكليف مان چه س
يسه چوار روژتر هم زمستانه
زوخال نابوده هيزم گرانه
صداي زيل و بم بفرو بارانه
شقه ي دنان تي چو مسگر خانه
داش! نانوايي ني كفيده دس
دكتر مصدق تكليف مان چه س
غصه كسادي سفيد كرد ريشم
له صوب تا غروب خميازه كيشم
من وه انتظار مشتري نيشم
بازرس يل هرسات مكن تفتيشم
چه بكم ئراي تلكه ي بازرس
دكتر مصدق تكليف مان چه س
مشتي زر پرست سكه ي زر شناس
هيچ ديني نيرن غير از اسكناس
مه مجلس ريا و روضه ي قارداس
تا نشان بين اسپاب و اثاث
يه روضه نيه، يش يي جور حقه س
دكتر مصدق تكليف مان چه س
سه ماهه حقوق پاسبان شار
نيرسيد نيده ي دس طلبكار
مر جرات ديرن بچنه بازار
يه چري آقا! ئو داد كي سركار
دس مايه نيريم حساوكت بار
و دينت قسم نقدو نسيه س
دكتر مصدق تكليف مان چه س
اوضاع مملكت درهم برهمه
وينه ي زلف يار پر پيچ و خمه
نيمي له ملت دچار غمه
رشته زندگي خيلي محكمه
ورنه و آسان گيان مدن و دس
دكتر مصدق تكليف مان چه س
دست و پاي مردم پيچاسه و هم
گش و كساتي دچارن و غم
له هر كس پرسم ئوشي چه بكم
و گيان شامي هر له كيسه خوم
من ئوشم بخوين تا ئوري كه هس
دكتر مصدق تكليف مان چه س