09-02-2010
|
 |
مدیر تاریخ و بخش فرهنگ و ادب کردی   |
|
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172
3,713 سپاس در 2,008 نوشته ایشان در یکماه اخیر
|
|
خه‌زانی تابلۆیه‌ک (هه‌ڵه‌بجه)
حامید به‌هرامی - مه‌ریوان
له‌نێو باڵونی خه‌یاڵا
له ئاسمانی پڕله هه‌تاوی پێکه‌نین
تێ ده‌په‌ڕیم
له‌وکاته سه‌رخۆشه‌ی خۆمدا
دڕکێ نه‌بوو
پێکه‌نینی
سه‌وز و شینی
گوڵ و بوڵبوڵ
بڕوشێنێ
له‌ناکاوا
ئاسمان مۆن بوو
تاقم تاقم
قاڵاوی مه‌رگ
به‌ده‌ستی پڕله دڕک و به‌رد
به‌قاڕه قاڕ
رژانه خوار
بزه‌ی ساوا
به‌زیندوی نایانه چاڵ
جه‌سته‌ی ساردی
هه‌تاوی مات
بێ کفن و دفن
له‌پشت کێوێ
له‌چاڵ نرا
ئاوێنه‌کان
یه‌ک له‌دوای یه‌ک
دران به‌سه‌ر
به‌ردی ره‌شی شه‌وگارێکا
هه‌موی شکان
تابلۆ وردبوو
بوک هه‌ڵ‌وه‌را
زاوا سوتا
به‌تیری ژه‌هراوی دڕک
گوڵ و بوڵبوڵ
له باوه‌ش یه‌ک
به خاکی سوورا دادوران
رۆباره‌کان
وشکاویان هات
هه‌مو داران
ئاوریان گرت
ته‌نیا دارێک
له تابلۆدا
که سه‌وز مابوو
هه‌ڵ نه‌وه‌ری
سه‌وڵی سه‌وزی
باوه‌ڕمان بوو
ده‌وری تابلو له پۆڵا بوو
شه‌و کووده‌تای
تیا کردبوو
لوره‌ی سوورو
قاڕه‌ی ره‌شی
گورگ و قاڵاو
موسیقای شه‌و
ئه‌م بیابانه‌ی
پێک هێنا بوو
به‌بینینی ئه‌م دیمه‌نه
هه‌ناسه‌کانم
سوار ده‌بن
ئه‌ژنۆم ئه‌شکێ
دار ئاواتم هه‌ڵ ده‌پڕوزێ
هه‌ناسه‌یه‌ک
ده‌بێته په‌ت
به سێداره‌ی ئه‌وینمدا
پێنوسه‌که‌م
هه‌ڵ ده‌واسێت
ئه‌و ده‌هه‌زار ئه‌ستێره‌یه‌ی
له چاڵ نران
له سیروان‌و له تانجه‌رۆی
چاوی دایکیان
تێراو بوون‌و
چاوی سه‌وزیان
بو سه‌وڵی به‌رز
ده‌کرده‌وه
پۆل پۆل ئه‌ستێره‌یان
ده‌گرت
هه‌مو ته‌وره ژنگاویه‌کان
له به‌رده‌می
شای شه‌وگارا
له ترسی ئاسمانی شینی
به‌ره به‌یان
رێژه ده‌چون
پێنوسه سه‌وز‌و تیژه‌کان
بۆ نووسینی
دارو
گوڵ و
خوشه‌ویستی‌و
کوژاندنه‌وه‌ی
ته‌ورو
دڕک‌و
چاره‌ڕه‌شی
هاتنه مه‌یدان
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )
|
|
جای تبلیغات شما اینجا خالیست با ما تماس بگیرید
|
|