هه‌ڵه‌بجه
ئێرە کوێ و ئەوێش هەر کوێ
گووناهتر لە هەموو کەس دیواری ماڵی زیندوەکانەو
لاپەڕە خەیاڵاویەکانی تۆپێک
کەهاویین و دەروازەو و یاری و دو سێ شەقی کوردی
ببێتە بیرەوەری و ئاخ و داخەکەشی خاتری خۆت
ژوانگەی قەڵەمە حەزاویەکەی نووسەرێک
ئێستاش یاسی بۆنەو سێوی لەسەر سفرە
گووناهتر لەهەموو کەس
سەربانەقیرەکانن کەچاویان لەزیندووبونەوەی
تاکەتاکەی پەنجەرەکان نەبوو
نا ...
لێرە تەنیا چرکەی ساعەتەکان و
شەقەی پەنجەرەکان
شایەتی لەسەر ژوری نوسەرێک ئەدەن
کە فیشەکی بۆنەو
کراسە سورەخوێنکەی هەلبەستێک ئەشارێتەوە
کرمەکرمی سێوە لاشینەکەی سەرسفرەکە
رات ئەماڵێتە خۆی
من بەدەم (( قد قامە الصلاە )) ی جادەکان و
پێکەنینی بزرکاوی بۆمبێکەوە
خۆم لەگەڵ بێشکەی ناو رەسمەکانا
رائەژێنم و
شایەتی لەسەر شکانی پەنجەرەکان و سەربرینی سێبه‌ره‌کان ئەدەم
شایەتی لەسەر هەڵفرینی هەمو خەیالە کانم.
رەزا سووری