[behnam5555]

بۆچوونه‌ ئه‌مریكا. ژنێكی ته‌مه‌ن 70ساڵه‌ی ئێرانی ته‌ڵاقی له‌مێرده‌كه‌ی وه‌رگرت

بۆ ئه‌وه‌ی ده‌ستی بگاته‌ ئه‌مریكاو ببێته‌ خاوه‌نی كارتی سه‌وز "گرین كارت" ژنێكی ته‌مه‌ن 70 ساڵه‌ی دانیشتووی ئێران سه‌وز "گرین كارت" ژنێكی ته‌مه‌ن 70 ساڵه‌ی دانیشتووی ئێران داوای ته‌ڵاقی له‌مێرده‌ ته‌مه‌ن 76 ساڵانه‌كه‌ی كردوو له‌دادگا ته‌ڵاقی خۆی له‌كابرا وه‌رگرت.
به‌پێی هه‌واڵێك كه‌ سایتی فارس بڵاویكرده‌وه‌. مێردی ئه‌و ژنه‌ له‌به‌رده‌م دادوه‌ردا وتوویه‌تی(ناتوانم ئیتر له‌گه‌ڵیدا ژیان ببه‌مه‌سه‌ر و له‌یه‌كتر ناگه‌ین)، دیسان له‌وه‌ڵامی دادوه‌ری لێكۆڵینه‌وه‌دا ژنه‌كه‌ وتوویه‌تی ( دوای چوونه‌ سه‌رماڵ وحاڵی كچ وكوڕه‌كانم، ئیتر بڕوام به‌ژیانی هاوبه‌ش نییه‌. سایته‌كه‌ ئاماژه‌ی به‌وه‌داوه‌ قسه‌كانی ئه‌و ژن ومێرده‌ نه‌یتوانیوه‌ باوه‌ڕِ به‌دادوه‌ره‌كه‌ بهێنێ‌، بۆیه‌ كۆششی كردووه‌ ئه‌و ژن ومێرده‌ كه‌ زیاد له‌53 ساڵه‌ پێكه‌وه‌ ژیانی هاوسه‌ری به‌ڕێده‌كه‌ن، ده‌ستبه‌رداری ئه‌و جیابوونه‌وه‌یه‌ ببن.
دواتر كچێَكی ئه‌و ژن وپیاوه‌ راستی مه‌سه‌له‌كه‌ بۆ دادوه‌ره‌كه‌ ئاشكرا ده‌كات و به‌دادوه‌ر ده‌ڵێ‌: باوك ودایكم بۆیه‌ ئه‌م كاره‌ ده‌كه‌ن تا بچنه‌ ویلایه‌ته‌ یه‌كگرتووه‌كان و ببنه‌ خاوه‌نی كارتی كه‌سك و له‌ئه‌مریكا دیسان درێژه‌ به‌ژیانی هاوسه‌ری چه‌ند ساڵه‌یان بده‌نه‌وه‌داوتر مێردی ژنه‌كه‌ دان به‌و راستییه‌دا ده‌نێ وبه‌دادوه‌ر ده‌ڵێ‌: من هاوسه‌ری خۆم زۆر خۆش ده‌وێ‌، ته‌نیا بۆ ده‌رچوون له‌ئێران ئه‌م كاره‌ ده‌كه‌ین بۆ ئه‌وه‌ی بچین لای نه‌وه‌كانمان له‌ئه‌مریكا بژین.
دوای ئه‌وه‌ی ژنه‌كه‌ش قسه‌ی مێرده‌كه‌ی پشتڕاست ده‌كاته‌وه‌، دادوه‌ر بڕیاری جیابوونه‌وه‌ی ژن ومێرده‌كه‌ی ده‌ركرد.