[behnam5555]

هه‌ر تڕێک(م،ی،مان،تان،یان)زل بێ،ناوی ئه‌ن(...)....

یانێ،ئه‌وه‌نده‌ بێ باێه‌خه‌ که‌ هیچ حه‌سابێکی بۆ ناکرێ و وه‌ک تڕ بێ باێه‌خه‌.

بۆ وێنه‌:هه‌ر تڕێکی زل بێ ناوی ئه‌نی ئه‌و

کاوراێک بوو وه‌ ژێر دیواره‌و، هاواری ئه‌کرد کێفه‌کان ئێوه‌یچ بێن

ئه‌م قسه‌ێه‌ له‌ کاتێکدا به‌کار ئه‌برێت که‌ که‌س یا که‌سانێک گیرۆده‌ی ته‌نگانه‌ و ته‌نگژه‌ی قورس و گران هاتبێتن و ئیتر بۆێان گرینگ نیه‌ که‌ له‌مه‌ زیاتر سه‌ختی و گرفت به‌سه‌ریاندا بێت.

بۆ نموونه‌ خه‌ڵکێک که‌ ساڵانێکی دوور و دریژه‌ گیروده‌ی زڵم و زۆری حاکمانی نه‌شیاو و خۆ به‌ زل زان له‌ وڵاتانی عه‌ره‌بیی بوونه‌ته‌وه‌،ئیستا ئیتر له‌ کوته‌ک و گوله‌ ی به‌کرێگیراوانیان ناێن و داوای نان و ئازادی ئه‌که‌ن.دیاره‌ که‌ ئه‌و خه‌ڵکه‌ ئه‌وه‌نده‌ هاتوونه‌ته‌ ته‌نگ که‌ له‌ مردنیش ناترسن و به‌ شه‌ره‌فه‌وه‌ له‌ مسر ڕژاونه‌ته‌ سه‌ر شه‌قام و به‌ تایبه‌ت گۆڕه‌پانی ته‌حریر چۆڵ ناکه‌ن.ئیمشه‌و دونیا و به‌تایبه‌ت خه‌ڵکی مسر چاوه‌ڕێ بوون که‌ مووباره‌ک ده‌س له‌ کار بکێشێته‌وه‌و وڵات به‌جێ بێڵێ که‌ چی له‌ قسه‌کانیدا که‌ ڕه‌نگه‌ سه‌دان ملیۆن که‌س له‌ دونیا بینه‌ری بوون، ته‌نیا به‌ڵێنی چاکسازی دا. دیاره‌ ده‌سه‌ڵات ئه‌وه‌نده‌ شیرینه‌ که‌ به‌ هیچ کولۆجێ ناێانه‌وێ ماڵاوایی لێ بکه‌ن.

بزنه‌که‌ی له‌ ته‌ک ماڵ حه‌مالی فه‌یزه‌ ئه‌وڕێته‌و

یا بزنه‌که‌ت له‌ تاک حه‌مالی فه‌یزه‌ ئه‌وڕیته‌و، قسه‌یێکی کۆن و نه‌سته‌قه‌ که‌ زیاتر له‌ چه‌مشاری سنه‌ به‌ کار هاتووه‌ یا دێت.

ئه‌و جۆره‌ که‌ من بیستوومه‌،ئه‌ڵێن کابرایێک بووه‌ له‌ دێهاتیکدا که‌ ته‌نیا بزنێکی هه‌بووه‌، له‌ به‌رامبه‌ری ماڵه‌که‌ی، ماڵی ده‌وڵه‌مه‌ندێک ئه‌بیت که‌ ناوی حه‌مالی فه‌یزه‌ بووه‌. حه‌مالی فه‌یزه‌ به‌ێانییک که‌ هه‌ڵئه‌ستێ، بانگ له‌ شووانه‌که‌ی ئه‌کات و ئه‌ڵیت؛ کوڕه‌که‌ ئه‌مڕۆ ڕان(مه‌ڕ و ماڵات)ه‌که‌ مه‌وه‌ بۆ له‌وه‌ڕ با بیانبڕینه‌و.ئه‌م کابرایه‌ش که‌ ئه‌م قسه‌ ئه‌بیستێت بانگ له‌ کوره‌که‌ی ئه‌کات و ئه‌ڵێت:ئیمڕۆ بزنه‌که‌ مه‌وه‌ ده‌ره‌و با بیوڕینه‌و.

ئه‌م قسه‌ێه‌ بۆ که‌سێک به‌ کار ئه‌برێت که‌ خۆی بشوبهینێت یا به‌راورد بکا یا لاسایی‌ که‌سێک بکات که‌ زۆر له‌ خۆی سه‌رتر بێت له‌ بوارێکدا