سه نکته(به صورت شعر کوردی کلهری)
سه نکته:
یه روژ مِه تَکو دایوم وَ بیکاری/وَ تِماشای جنگِ دو مامِر لاری
دیم رفیقم هات و سَرِ کیوچه/وت یه بکیش ای دنیا هیوچه
وتم: یه چوسه؟/وت: یه سیکاره حِلاجِ درد فردِ بیکارَه
وتم مِه اصلا نیَکیشِم سیکار/ وت: وَیَه تِرسی بیوشم اِرای مال؟
ولی سَنِمی روشنی کِردم/یه پُک دامَه لی اِی خدا مِردم
و یواش یواش بیمَه سیکاری/اِمجا کیف کِردم اِرای بیکاری
یه شو دایمَه دیشت بیومِن میمان/هفت هیشتِی نیشتیو و مالِ فرمان
پِک نیکی ناینو گِشتی وَ دوری/فرمان بد بخت کیشایمِن جوری
دیوکَلی هیز گِرد تَک دامو نوا/چِمان اسپَنیو اِرای ریو دوا
مِدَتی گُذِیشت بیمَه تریاکی/بیمه مشتری فرمان و کاکی
کمی پیول داشتم باختم لَه قمار/تریاک نیاشتم فرَه بیوم خُمار
بدنِم گِشتی نیشتَه ژان یِهو/یه پنج شش قوری چای مِه خواردِم هَر شو
چیم اِرای لای فرمان/ دو و نیمه شو
وتم: آق فرمان دَردِد و مالم/کَمی تریاک بکه و کالم
وتیا دمَه پید ولی یِه قِسه/دو برابرَه چیون بید نسیهَ
چارهِ ی نیاشتم قَبولی کِردم/اَگه نَکیشیام او شوَ مِردم
شَوَکی شَفَق هاتَه درِ مال/مِه پیول نیاشتم کِردی قَپ و قال
وتم قال مَکه،جنس قبول کِیدن؟/اَسباو ناو مال و جیِه بیدِن؟
وتیا قبولَه مِنَتِت کیشم/تو خو شَریگید گِردیدَه ریشم
چِشتی لَه ناو مال دِزیم و بِردم/هر شو خوَشِم بیو چیو نَشهَ کِردم
باوگ بدبختم هر شو کِردی قال/هیوچ اِرام نَمن دِز تیدِنَه و مال
یِه ماه ولی چی اِرای ریو دوا/هیوچ اِرام نَمَن گِشتی و هوا
گردِه یِه گُروه بیومَه قاچاقچی/هه لَه خسروی تا و قازان چی
یه شو حینِ بَزم گِشتی گریایمِن/وَرو آگاهی تِمام بریایمِن
وتم وَ دَس یَه هات و نهاتِم/نانَمه ماشین و خوو هاتم
رنگِم پُریودِن آو بیودِن گیانم/نفَسِم بَنیو بَسیایو زوانم
دِرِسَه خو بیو حقیقت نیاشت/ولی سِه نِکته مِه کِردم یادداشت
اول بیکاری هر ریشهِ فساد/دار و ندارِد تمام دیدهَ باد
آفت دیوم(دوم) رفیق ِگَنَه/گول آیم دِی و دَمَه خَنَه
سِیم(سوم) غرور و گردِ هوس/اَ خِسدهَ دام نیکیشی نَفس
غرور مشروبَه کِه کیدِن مَسِد/اِرادَه و عقلِت بیدِن و دَسِت
محالَه کسی بودن سرفراز/تا اِی سِه نِکته نَکیدِن تِراز.
************************************************************ *******************************
ویرایش توسط javidan 20 : 01-21-2012 در ساعت 03:44 PM
|